Upplýsingar

Ágætu veiðimenn. Þetta er verðskráin fyrir Eystri-Rangá sumarið 2010.
Eystri Rangá gaf 4237 laxa sumarið 2009. Meðalveiði síðustu tíu ára er 3684 laxar sem er hæsta meðalveiði laxveiðiár á Íslandi. Verðskráin hækkar nú ekkert á milli ára og hefur hún aðeins hækkað um 40% að raunvirði á seinustu 10 árum á meðan veiði hefur margfaldast.

Veiðireglur. Í ánni eru leyfðar 18 stangir á 9 svæðum , svæði 1-9 og eru 2 stangir á hverju svæði. Um hverja stöng mega vera 2 menn og skulu þeirþá vera saman á veiðistað. Ef veiðimenn eru staðnir að því að nota fleiri stangir en leyfilegt er, mega þeir búast við því að vera vísað úr ánni þann daginn. Leyfilegt agn er fluga, maðkur og spúnn. Í hléinu skipta menn um svæði þannig að þeir veiða á svæðinu fyrir neðan það svæði sem þeir veidduá um morguninn.

Veiðitími. Í sumar verður veiðitími sem hér segir:
Frá 1.júlí og til 14.ágúst verður veitt frá 07-13 og 16-22
Frá 15.ágúst og til 14. sept. verður veitt frá 07-13 og 15-21
Frá 15. sept. verður veitt frá 07-13 og 14 -20


Til sérstakrar athugunar fyrir veiðimenn.
Skráið afla áður en haldið er heim.
Akið ekki utan vega og lokið hliðum.
Veiðifélagið ber ekki ábyrgð v/tjóns sem búsmali veldur á ökutækjum.
Meðferð skotvopna er bönnuð við ána og einnig er óheimilt að tjalda við ána án leyfis landeigenda.

Öll skráning á afla er í veiðiþjónustuhúsi Veiðifélagsins sem staðsett er við Veiðihúsin við Eystri Rangá á svæði 4. Ekið er að veiðihúsunum frá þjóðvegi 1 um km fyrir austan Djúpadal. Þar er alltaf heitt á könnunni og aðstaða til að ganga frá fiski og skrá í veiðibók. Einnig er þar kælir undir afla og allar upplýsingar um veiði. Þar geta veiðimenn fengið laxaplast áður en veiðar hefjast undir afla og eru þeir beðnir um að ganga frá hverjum laxi sér í poka til hægðarauka í vigtun og skráningu einnig er mjög gott að hafa plast til að geta flutt stórar hrygnur í lifandi í klakkistur.

Klakkistur Félagið hefur sett upp klakkistur við helstu veiðistaði og eru stórar hrygnur keyptar af veiðimönnum. Fullþreyta þarf fisk sem setja á í kistu ,nota hnútalausan háf og forðast allt hreisturslos.Ef fiskur er tekin á maðk má klippa á girni í stað þess að reyna að losa öngul sem er djúpt tekinn. Auðvelt er að flytja hrygnur lifandi í laxaplasti í klakkistu ef hausinn á hrygnunum er látinn vera í vatni. Gott er ef flytja á hrygnur um lengri veg að hafa plastið tvöfalt og hafa um ¼ af plastinu fullt af vatni.